VITHZ – Nga Milano në qendër të skenës globale. Këtë të premte, për herë të parë në Tiranë si i ftuar në ALL SHADOWS NIGHT në Tunèl
Nëse ka një emër që po lëviz fuqishëm në qarqet e underground-it europian, ai është VITHZ. I lindur në Milano në vitin 1996, DJ dhe producenti italian është shndërruar në një prej figurave më konsistente dhe më kërkuara të skenës së natës – falë një stili të pastër, një kulture të thellë muzikore dhe një etike pune që e ka çuar në majat e klubeve më prestigjioze në botë.
ALL SHADOWS, trio-ja lokale e përbërë nga Arlind Kozeli, Erti Lutaj dhe Mimi Kolaneci që ka krijuar një identitet të veçantë në skenën e natës në Tiranë, është bërë sinonim i festave autentike, plot groove, ritëm dhe energji të pastër. Të njohur për eventet që sjellin gjithmonë një atmosferë intime, por tepër eksplozive, si dhe për aftësinë për të ftuar artistë të nivelit të lartë nga skena ndërkombëtare, ALL SHADOWS po ndërton sound të ri, një hapësirë ku muzika kuron publikun, ku komuniteti rritet dhe ku çdo natë ka fytyrën e vet. Këtë të premte në Tunel, të tre do të jenë sërish në elementin e tyre, duke hapur dyert për mysafirin e radhës: një nga emrat më të nxehtë të underground-it europian – VITHZ.
Pasioni i Vithz për house music filloi herët – i ndezur nga i ati, i cili e futi në atmosferën e tingujve të Chicago-s dhe Detroit-it. Pas viteve të para në rrugët muzikore të Milanos, ai vendosi ta forcojë bazën e tij teknike duke studiuar Electronic Music Production në SAE Institute Amsterdam, një hap që më vonë do të formësonte identitetin e tij artistik.
Në vitin 2018, Vithz krijon UFEEL, formatin që shumë shpejt kthehet në një fenomen. Nga Milano në New York, UFEEL bëhet një prej netëve më të kërkuara të komunitetit ndërkombëtar underground, duke mikpritur artistë nga e gjithë bota dhe duke vendosur Vithz në rolin e një art director-i të plotë – sidomos si përgjegjës i skenës muzikore dhe vizuale të Isola di Mortorio, projektit të modës dhe muzikës.
Setet e Vithz janë një përplasje elegante mes groove-it, minimal-it dhe elementeve elektro, gjithmonë të mbështetura në frymën autentike të skenave të viteve ’90. Ai nuk ndjek trendet – i krijon ato. Ky është edhe arsyeja pse është ftuar të ndajë kabinën me ikona si:
Seth Troxler, Little Louie Vega, Villalobos, Moodymann, Tini, Kerri Chandler, Carl Cox, Apollonia, Folamour, Felix da Housecat
… dhe një listë e gjatë që tregon jo vetëm respektin ndaj tij, por edhe vendin që po zë në hierarkinë e artistëve të vërtetë të underground-it.
Lista e klubeve ku Vithz ka performuar është një CV që shumë artistë do ta dëshironin:
Fabric London, KOKO, Village Underground, Shelter Amsterdam, H0L0 New York, Superior Ingredients NY, Input Barcelona, Sysyphos Berlin, Egg London, Alter Shanghai, Club Chinois Ibiza, Papaya Playa Tulum, Zone Prishtina, UNUM Festival Albania, dhe dhjetëra të tjera.
Nga Berlini në New York, nga Ibiza në Shangai, nga Roma në Lisbonë – Vithz ka ndërtuar një rrjet global që e pozicionon si një artist të konsoliduar, të formuar dhe të kërkuar.
Pas një turneu që përfshin katër kontinente dhe skena legjendare, VITHZ vjen për herë të parë në Tiranë, vetëm për një natë të vetme:
👉 Këtë të premte – Tunel Club – All Shadows Night
Një artist me këtë histori, me këtë energji dhe me këtë identitet muzikor, nuk vjen shpesh në Shqipëri.
Kjo natë është për ata që e duan muzikën e vërtetë, për ata që kërkojnë ndjenjën e underground-it të pastër, për ata që jetojnë me ritmin.
Përgatituni për një udhëtim. Kjo është nata e ALL SHADOWS & VITHZ.
Biletat në shitje në www.enterevents.al
MADE TO AMAZE