Në një botë ku shumica e DJ-ve kërkojnë vëmendje përmes shpërthimeve dhe drop-eve të shpejta, Jimi Jules ecën në drejtim të kundërt. Muzika e tij nuk është e ndërtuar për momentin viral, por për ndjesinë që rritet nga brenda. Për tensionin që nuk pushon. Për ata që nuk kërcejnë vetëm me trup, por me mendje.
Nga skenat e Berghain, Circoloco, e deri tek festivalet si Sonar apo Fusion, Jimi Jules është bërë sinonim i një qasjeje të thellë, të kujdesshme dhe të papërsëritshme ndaj muzikës elektronike. Ai nuk është thjesht DJ, por kompozitor, prodhues dhe një krijues atmosferash, që përdor tingullin si mjet për të ndërtuar histori.
Në vitin 2022, emri i Jimi Jules shpërtheu në çdo cep të skenës globale me “My City’s On Fire” — një këngë që doli nga labirinti i Innervisions dhe përfundoi në çdo klub që kishte diçka për të thënë. Me një remix të paharrueshëm nga Dixon, kjo vepër muzikore nuk ishte thjesht një hit, por një statement. Një reflektim i një bote që digjet nga brenda, i zhytur në groove, por i rëndë nga kuptimi.
Nën kujdesin e labelit legjendar Innervisions (i themeluar nga Dixon dhe Âme), Jimi Jules ka publikuar disa nga projektet më të rafinuara të dekadës së fundit. Por ai nuk ndalet aty. Në verën e 2025-ës, ai vjen me një tjetër bashkëpunim të bujshëm — “Trippy Yeah”, një krijim në bashkëpunim me Black Coffee, që po dëgjohet në çdo skenë të rëndësishme, nga Ibiza te Mykonos, nga Brooklyn te Cape Town.
Kjo është dëshmi që Jimi Jules nuk i përket një skene të vetme. Ai lëviz nëpër zhanre dhe kontinente, gjithmonë me të njëjtin qëllim: të krijojë muzikë që rezonon thellë.
Këtë verë, më në fund, Jimi Jules vjen për herë të parë në Shqipëri.
Në një natë të kuruar në Bato’s Marina — një nga hapësirat më të reja për muzikën në bregun shqiptar — ai pritet të sjellë një set që do të mbetet gjatë në kujtesë.
Nuk ka formula. Nuk ka skenar. Vetëm muzikë që rrjedh në mënyrë të papritur, por gjithmonë me një qëllim.
Bli tani biletën në www.enterevents.al
MADE TO AMAZE