EXIT Festival – Ndoshta i fundit në Serbi?

EXIT Festival, një nga emrat më të mëdhenj të skenës europiane të muzikës live dhe elektronike, mund të jetë pranë fundit të epokës së tij në Serbi. I zhvilluar në kalanë historike të Petrovaradinit në Novi Sad, EXIT ka qenë prej më shumë se dy dekadash një simbol i kulturës rinore, lirisë dhe muzikës pa kufij.

Organizatorët kanë lënë të kuptohet se kjo mund të jetë edicioni i fundit në Serbi, për shkak të sfidave institucionale dhe financiare. Megjithatë, ata premtojnë një program të jashtëzakonshëm për vitin 2025, me një line-up që pritet të mbledhë emra të mëdhenj të muzikës elektronike, rock dhe hip-hop.

Për adhuruesit e festivalit, ky edicion është një ftesë e veçantë për të përjetuar edhe një herë atmosferën unike të EXIT, para se të nisë një kapitull i ri – ndoshta jashtë kufijve të Serbisë.