Në prill të vitit të ardhshëm, The Prodigy do të zhvillojë një turne në Mbretërinë e Bashkuar dhe Irlandë me “mysafirin shumë të veçantë” Carl Cox. Turneu me 10 data nis më 15 prill në OVO Hydro në Glasgow, me ndalesa në Manchester, Birmingham, Cardiff, Bournemouth, Leeds, Londër, Belfast dhe Dublin, duke i dhënë mundësinë fansave të shohin dy nga figurat më ndikues të muzikës dance/elektronike në të njëjtën mbrëmje.
“Në këtë turne, Kampionët Botërorë të Peshave të Rënda bashkohen sërish për një seri koncertesh me energji të papërmbajtshme, ku The Prodigy do të performojnë këngë nga shtatë albumet e tyre që kanë zënë vendin e parë në listat britanike, ndërsa Carl Cox do të rikthehet me setup-in e tij revolucionar prej tri platë vinili për një set dy-orësh që nis çdo natë nga hapja e dyerve,” thuhet në komunikatën për shtyp të turneut.
“Do të rikthejmë përvojën e plotë me zhurmë dhe ritme të pandërprera nga fillimi deri në fund. Do të jetë ai kaosi i plotë i Prodigy-së si dikur dhe siç vazhdon të jetë edhe sot… dhe do të sjellim këngë të reja për njerëzit… Ne kemi mikun tonë të vjetër Carl që na bashkohet, prandaj prisni një sulm të plotë, faktor 9… Le të nisim!” shtuan Liam Howlett dhe Maxim nga The Prodigy.
Biletat do të dalin në shitje të përgjithshme në orën 9:00 të mëngjesit me orën lokale të premten, më 27 qershor, nëpërmjet faqes zyrtare të The Prodigy. Një numër i limituar biletash do të jetë në dispozicion përpara shitjes së përgjithshme, duke filluar në orën 9:00 të mëngjesit të mërkurën, më 25 qershor.
MADE TO AMAZE