Zoe Hora, resorti që tashmë është kthyer në një prej perlave të rivierës shqiptare, do të shndërrohet këtë gusht në një destinacion muzikor unik. Në mesin e gurëve të fshatit të vjetër dhe pamjes mahnitëse të detit Jon, kjo hapësirë që mishëron qetësinë dhe elegancën, do të presë një seri performancash muzikore të kuruara me kujdes gjatë gjithë muajit.
Ndërsa atmosfera e Zoe Hora është tashmë sinonim i përvojës estetike dhe relaksit luksoz, këtë verë do të shtohet një dimension i ri – muzika live në ambiente të përzgjedhura, me tinguj që përshkojnë kodrat e Dhërmiut.
Emrat e artistëve që do të performojnë? Ende të pazbuluar. Por nga ajo që është paralajmëruar, bëhet fjalë për muzikantë të përzgjedhur, vendas dhe ndërkombëtarë, të cilët do të sjellin një frymë të re në këtë vend magjik.
Eventet muzikore do të zhvillohen në ambientet më të veçanta të resortit, përfshirë tarracën me pamje panoramike dhe oborret e gurtë të restauruara me kujdes, ku tingujt dhe natyra do të bashkëjetojnë në një harmoni të rrallë.
Për ata që kërkojnë më shumë sesa një pushim – një përvojë kulturore dhe ndjesore – gushti në Zoe Hora premton të jetë një udhëtim i paharrueshëm mes ritmeve dhe bukurisë së jugut shqiptar.
🔜 Qëndroni të informuar — më shumë detaje do të publikohen së shpejti.
📌 Ndiqni ENTER për njoftimet zyrtare.
MADE TO AMAZE